10 leksione ushqyerje për 2025-ën: Mos u mashtroni nga…

1. Kafeja në mëngjes mund të ndihmojë në plakjen e shëndetshme
Sipas një studimi të prezantuar në qershor, gratë që konsumonin më shumë kafeinë mes moshave 45-60 kishin më shumë gjasa të plakeshin pa sëmundje kronike dhe pa dëmtime njohëse. Kafeja nuk është thjesht energji – ajo mund të ndihmojë edhe në jetëgjatësi të shëndetshme.

2. Alkooli është i dëmshëm, pavarësisht se në çfarë forme e pini
Qoftë birrë, verë apo vodka – të gjitha kanë të njëjtin rrezik për shëndetin. Nuk ka “alkool më të mirë”, por ka mënyra për të minimizuar rreziqet nëse vendosni të konsumoni.

3. Mos u mashtroni nga rrjetet sociale për proteinat
Shumë “influencerë” pretendojnë se duhet të konsumojmë sasi të larta proteine. Por sipas ekspertëve, shumica e njerëzve marrin mjaftueshëm. Vetëm grupe të caktuara (si sportistët apo të moshuarit) mund të përfitojnë nga më shumë.

4. Është normale të mos shkosh në banjë çdo ditë
Mjekët gastroenterologë theksojnë se një jashtëqitje çdo ditë nuk është kriter për shëndet të mirë të zorrëve. Rregullsia ndryshon nga personi në person.

5. Uji i ngrohtë me limon është i shëndetshëm, por jo magjik
Ndihmon në hidratim dhe sjell pak vitaminë C, por nuk “shkrin dhjamin” dhe nuk “detoksifikon” trupin siç pretendohet në rrjete.

6. Mund të marrësh proteinë pa ngrënë mish
Ekspertët rekomandojnë alternativa si bishtajoret, kosi grek, peshku dhe arrat në vend të mishit të kuq dhe të përpunuar, të cilat lidhen me rreziqe shëndetësore.

7. Ekzistojnë drithëra të shëndetshme për mëngjes
Disa drithëra janë plot sheqer dhe pa vlera ushqyese. Por me vëmendje ndaj etiketës dhe përbërësve, mund të gjeni opsione të shëndetshme që ju mbajnë të ngopur.

8. Vezët janë të mira – nëse gatuhen siç duhet
Vezët ofrojnë proteinë cilësore, por kujdes me mënyrën e gatimit: një shpërthim salmonele ka ndodhur këtë vit, ndaj ekspertët këshillojnë t’i gatuani mirë (me të verdhën e fortë).

9. Ajo që hani ndikon në gjumin tuaj
Disa ushqime si lëngu i qershive, arrat dhe kivi mund të ndihmojnë me gjumin, por më e rëndësishme është dieta e përgjithshme, jo një ushqim i vetëm.

10. Ushqimet e ultrapërpunuara po kritikohen si “helm” për trupin
Sekretari i Shëndetësisë në SHBA i ka cilësuar ato si burim i sëmundjeve kronike. Por problemi është se ato shpesh janë të vështira për t’u identifikuar. Një simulim supermarketesh ndihmon njerëzit të kuptojnë sa shpesh bien pre e tyre./thashethemet.com