Dortmund në ngërç me Brandt dhe Sabitzer, ja pse nuk i largon dot

Borussia Dortmund po has vështirësi në largimin e mesfushorëve Julian Brandt dhe Marcel Sabitzer, për shkak të pagave të tyre të larta. Sipas Bild, dy lojtarët fitojnë së bashku rreth 15 milionë euro në sezon (Brandt 8 milionë, Sabitzer 7 milionë), çka po i mban larg klubet e interesuara për shërbimet e tyre.

Të dy futbollistët janë tashmë jashtë planeve kryesore të trajnerit, duke qëndruar pas Jude Bellingham, Felix Nmecha dhe Pascal Groß në hierarkinë e mesfushës. Në sezonin e fundit, ata nuk arritën të justifikonin pagën me performancën në fushë, ndërkohë që Dortmund siguroi me vështirësi një vend në Champions League.

Klubi ka vendosur që të mos rinovojë kontratat me asnjërin – me kontratën e Brandt që skadon në vitin 2026 dhe atë të Sabitzer në 2027. Megjithatë, gjetja e një blerësi mbetet sfidë për shkak të kushteve financiare të tyre.