Dua Lipa konfirmon fejesën me aktorin

Pas muajsh spekulimesh, këngëtarja shqiptare me famë botërore, Dua Lipa, ka konfirmuar zyrtarisht se është fejuar me aktorin britanik Callum Turner.

Fansat e saj e kishin vënë re një unazë diamanti në gishtin e fejesës në një postim të saj në Instagram në prag të Krishtlindjeve, por vetëm tani 29-vjeçarja ka zbuluar se Callum, 35 vjeç, i kishte propozuar me një unazë të personalizuar, të dizajnuar me ndihmën e motrës së saj Rina dhe mikeshave të ngushta.

“Po, jemi fejuar. Është shumë emocionuese,” tha Dua për revistën britanike Vogue. “Jam e fiksuar pas unazës. Është fiks unaza ime. Është bukur kur personi me të cilin do të kalosh jetën, të njeh kaq mirë.”

Çifti, që janë bashkë që nga janari i vitit 2024, ende nuk kanë vendosur një datë për dasmën për shkak të angazhimeve të shumta në karrierat përkatëse. “Dua ta mbaroj turneun tim, Callum është në xhirime… thjesht po shijojmë këtë periudhë,” u shpreh ajo. “Nuk kam qenë ndonjëherë nga ato që ëndërrojnë për martesën apo çfarë nuseje do të isha. Por tani papritur pyes veten: ‘Çfarë do të vishja?’”

Dua tregoi gjithashtu se edhe pse e kishte parë shpesh fejesa rreth vetes, nuk e kishte kuptuar plotësisht peshën që mbart kjo marrëdhënie deri tani. “Vendimi për të u plakur bashkë, për të ndarë jetën me një person… është një ndjenjë vërtet speciale,” shtoi ajo.

Këngëtarja e hitit Dance the Night Away shprehu dëshirën për të krijuar familje në të ardhmen, por e pranoi se nuk di kur do të ishte momenti i duhur për shkak të ritmit të karrierës së saj. “Do doja të kisha fëmijë një ditë. Por gjithmonë e mendoj se kur do të ishte koha e duhur, si do të përshtatej me turnetë, sa kohë do të më duhej të merrja pushim… Mendoj se është diçka që thjesht do të ndodhë kur të jetë koha.”

Dua dhe Callum u njohën fillimisht në një darkë në River Cafe në Londër, por nuk kishin kontakt deri një vit më vonë, kur u takuan rastësisht në Los Angeles. “E pashë dhe mendova: ‘Është ai djali super i pashëm nga River Cafe’,” rrëfen Dua. Gjatë bisedës zbuluan se të dy ishin duke lexuar të njëjtin libër – romanin Trust nga Hernan Diaz.

Që atëherë, historia e tyre ka rrjedhur natyrshëm, me çifti që e bënë publike lidhjen në Instagram gjatë Festivalit të Glastonbury-t. E pyetur nëse beson te fati, ajo tha: “Njëmijë për qind.”

/thashetheme.com