Edhe meshkujt kanë menopauzën e tyre

Shumë prej nesh e njohin menopauzën si një fazë natyrale në jetën e një gruaje, plot me ndryshime hormonale dhe emocionale të fuqishme. Por a e dini që edhe meshkujt kalojnë nëpër një proces të ngjashëm – andropauzën?

Kjo “menopauzë mashkullore” është një rënie graduale e testosteronit që ndodh zakonisht nga mosha 40 deri në 55 vjeç, por mund të fillojë më herët ose më vonë, varësisht nga mënyra e jetesës dhe faktorë të tjerë. Ndryshe nga menopauza, andropauza është më e fshehtë dhe më e ngadaltë, por efektet e saj janë të prekshme dhe shpesh ngatërrohen me stresin apo plakjen.

Simptomat më të zakonshme janë lodhja e vazhdueshme, rënia e dëshirës seksuale, ndryshimet në humor, pagjumësia, shtimi në peshë dhe humbja e masës muskulore. Disa meshkuj përjetojnë edhe ndjeshmëri emocionale apo depresion të lehtë, pa e kuptuar se po kalojnë një ndryshim të madh hormonal.

Si mund ta përballoni? Nëse jeni të vetëdijshëm për këtë fazë, e keni gjysmën e rrugës. Aktiviteti fizik, ushqyerja e shëndetshme, gjumi cilësor dhe reduktimi i stresit janë aleatë të fuqishëm. Në raste të veçanta, terapia hormonale mund të jetë opsion, por vetëm me konsultë mjekësore.

Andropauza nuk është fundi i energjisë suaj – është fillimi i një kapitulli të ri që kërkon kujdes dhe mirëkuptim. Është koha ta thyejmë heshtjen dhe të flasim hapur për shëndetin hormonal dhe emocional të meshkujve. Sepse çdo burrë meriton të jetë në formë të shkëlqyer, në çdo fazë të jetës!/thashethemet.com