Habia në zgjedhje, kandidatët që nuk votuan as për veten (EMRAT)

Me 11 Maj 2025, në Shqipëri u mbajtën zgjedhjet e përgjithshme, ku u evidentua një fenomen aq sa shqetësues edhe qesharak: një numër i konsiderueshëm kandidatësh për deputetë nuk morën asnjë votë, madje as nga vetë ata.

Sipas të dhënave zyrtare të Komisionit Qendror të Zgjedhjeve (KQZ), në këtë kategori bien 49 kandidatë nga tre parti të ndryshme politike.

Në krye të listës qëndron Aleanca Demokracia e Re, me numrin më të madh të kandidatëve pa asnjë votë. Pas saj renditen Lëvizja Atdheu dhe Djathtas për Zhvillim. Ky fakt tregon mungesën jo vetëm të mbështetjes nga zgjedhësit, por edhe mungesën e përfshirjes dhe angazhimit të vetë kandidatëve në procesin zgjedhor.

Kjo situatë ngre pyetje të rëndësishme mbi seriozitetin dhe përgatitjen e kandidatëve, si dhe mbi efektivitetin e mekanizmave të partive politike për të garantuar përfaqësim real dhe legjitimitet në Parlament.