Selvija thyen heshtjen pas ndarjes me Shpat Kasapin, por habit ndjekësit

Vetëm disa javë pas ndarjes së konfirmuar me Shpat Kasapin, Selvije Jao ka folur për herë të parë mbi raportin me ish-partnerin dhe jetën si nënë.

Gjatë një interviste virtuale me ndjekësit në Instagram, ajo u pyet se si është të rrisësh një fëmijë vetëm. Por ndryshe nga sa pritej, Selvija theksoi se Shpati vazhdon të jetë shumë i pranishëm në jetën e djalit të tyre.

“Roeli ka babin më të mirë në botë që punon shumë dhe e suporton rritjen e tij në mënyrën më të mirë të mundshme. Nuk është se kontribuoj vetëm unë,” u shpreh ajo.

Lidhur me vendimin për t’u larguar nga Tirana dhe për t’u rikthyer në Shkup, Selvija tha:
“Unë besoj se është mirë të jetosh aty ku shpirti yt gjen qetësinë. Për mua, shtëpia është një ndjenjë, jo një vend.”

E pyetur edhe për faljen, ajo la të kuptohet se një rikthim mes saj dhe Shpatit nuk është në planet e saj:
“Patjetër që fal, njerëz jemi dhe gabojmë. Por nuk fal kur gabimet përsëriten dhe mirësinë time e marrin për dobësi. Atëherë e fshij dikë komplet nga jeta ime – dhe më frikëson kjo mënyrë.”/thashethemet.com