Sonte përballja historike Shqipëri–Serbi në “Air Albania”

Shqipëria përballet sonte me Serbinë në stadiumin “Air Albania”, në orën 20:45, për një sfidë historike dhe me shumë peshë emocionale e sportive.

Kuqezinjtë kanë përmbyllur përgatitjet, ndërsa trajneri Silvinjo dhe kapiteni Gjimshiti kanë deklaruar se objektivi është fitorja dhe marrja e 3 pikëve. Silvinjo tha se formacioni do të bëhet publik para ndeshjes, ndërsa vlerësoi kundërshtarin si fizikisht të fortë, por të kapshëm.

Policia e Shtetit ka marrë masa të rrepta sigurie për të garantuar mbarëvajtjen e ndeshjes pa incidente, duke angazhuar qindra efektivë në terren.

Nga ana tjetër, trajneri i Serbisë, Dragan Stojkovic, vlerësoi Shqipërinë dhe trajnerin Silvinjo, duke theksuar se skuadra e tij duhet të jetë e kujdesshme për të mos u ndëshkuar./thashethemet.com