Trump rikthen ndalimin e udhëtimeve: 12 vende plotësisht të mbyllura për SHBA-në
Donald Trump nënshkroi një urdhër ekzekutiv që ndalon udhëtimin nga 12 vende dhe kufizon hyrjen nga shtatë të tjera, duke zgjeruar dhe rifreskuar ndalesat e periudhës së tij të parë në detyrë. Shtetasit e Afganistanit, Myanmar, Çad, Republika e Kongos, Guineja Ekuatoriale, Eritrea, Haiti, Irani, Libia, Somalia, Sudani dhe Jemeni do të ndalohen plotësisht të hyjnë në SHBA, ndërsa hyrja e shtetasve nga Burundi, Kuba, Laosi, Sierra Leone, Togo, Turkmenistani dhe Venezuelë do të jetë e kufizuar.
Trump argumentoi se vendimi bazohet në arsye të sigurisë kombëtare dhe kontrollit të terrorizmit, si dhe shqetësime për vizitorët që tejkalojnë periudhën e vizës. Por ekspertët dhe aktivistët denoncojnë këto masa si diskriminuese dhe të dëmshme për familjet emigrante, veçanërisht komunitetet haitiane, kubaneze dhe venezuelase në SHBA.
Ky urdhër është pjesë e një serie politikash të ashpra migracioni nga Trump, përfshirë ndalimin e kërkesave për azil dhe kufizimet për studentët e huaj. Ai po ashtu njoftoi se lista e vendeve mund të ndryshojë sipas zhvillimeve të sigurisë globale.
Vendimi u mor pas sulmit në Boulder të Kolorados, ku një shtetas egjiptian sulmoi një ngjarje për mbështetjen e pengjeve izraelite, duke theksuar “rreziqet ekstreme” nga hyrjet e njerëzve që nuk kontrollohen si duhet. Gjykata Supreme e SHBA-së ka mbështetur më parë këtë lloj ndalimi, duke e argumentuar atë si masë sigurie kombëtare, pavarësisht kritikave për diskriminim ndaj myslimanëve.
Në vitin 2021, administrata Biden hoqi masat e ndalimit të udhëtimit që Trump kishte vendosur gjatë mandatit të tij të parë.
