Zbulohen lidhje mes Justin Bieber dhe skandalit të Diddy-t

Ndërsa hetimet ndaj Sean “Diddy” Combs po thellohen dhe përmenden emra të shumtë nga industria muzikore, Justin Bieber është përfshirë në diskutime për shkak të marrëdhënieve të tij të hershme me producentin gjatë adoleshencës.

Sidoqoftë, burime pranë këngëtarit kanë mohuar çdo përfshirje apo abuzim, duke deklaruar për TMZ se Bieber nuk ka qenë kurrë viktimë e sjelljeve të papërshtatshme nga ana e Diddy-t.

Në internet janë rikthyer disa pamje të së kaluarës, përfshirë një intervistë të vitit 2011 në “Jimmy Kimmel Live!”, ku Diddy bën një koment ironik mbi marrëdhënien me Bieber – një deklaratë që sot shihet me dyshim për shkak të kontekstit aktual.

Po ashtu, në një video të vitit 2009, Diddy i premton Bieber-it 15-vjeçar se do ta linte të voziste një nga makinat e tij sapo të mbushte 16 vjeç dhe shton se do kalonin “48 orë bashkë”, duke e përshkruar këtë si “ëndrrën e çdo adoleshenti”.

Sipas burimeve të afërta me Bieber, këto skena ishin të inskenuara për efekt mediatik dhe në fakt, Justin kishte marrëdhënie më të afërta me fëmijët e Diddy-t sesa me vetë atë.

Ndërkohë, përfaqësuesi i Bieber theksoi se:

“Justin nuk është viktimë e Sean Combs, por ka njerëz që kanë përjetuar vërtet dhunë apo abuzim nga ai. Të zhvendoset vëmendja nga vuajtjet e tyre, dëmton drejtësinë që meritojnë.”/thashethemet.com